Lýsing á ferð:

Anaga skaginn ótrúlega fallegur og mjög ólíkur umhverfinu á suður hluta eyjarinnar, mikið meiri gróður og þykkur skógur, sannkölluð veisla fyrir göngufólk. Við erum mjög spenntir að sýna ykkur þessa perlu. 

​

Við förum bara með litla hópa í þessa göngu 4-6 mann​s. Eftir að við erum búin að sækja alla á hótelin leggjum við af staða og keyrum 95km leið í norðaustur (90 mín). Þar leggjum við bílum í fallegum litlum bæ sem heitir Las Carboneras sem er hátt upp á Anaga skaganum í um 650m hæð yfir sjávarmáli, þaðan hefjum við gönguna. 

​

Gengin er 8km hringur í mjög fallegu skógi vöxnu umhverfi með stórbrotnu útsýni á köflum, gangan er nokkuð þægileg en stígar geta verið hálir og nauðsynlegt að vera í góðum skóm.  Eftir um það bil 4 km göngu komum við á fallegan útsýnis stað sem heitir Mirador Aguaide, þar getum við sest, fengið nesti og notið stórbrotins útsýnis.  Síðan göngum við áleiðis í gengum fjölbreytta flóru skógarins á leið okkar að upphafstað. Þegar við komum aftur í Las Carboneras og allir eru búnir að vera stiltir þá getum við sest niður á fallegt lítið kaffihús og fengið okkur smá hressingu (bjór) áður en við höldum heim á leið.  ​

​

Muna að taka með: nóg af vatni, höfuðfat, sólarvörn, nesti, klæðast viðeigandi skóm.  Við munum hringa daginn fyrir brottför og láta ykkur vita með veðurspá. Á þessu svæði má alveg búast við að það geti ringt og gæti þurft að hafa meðferðis vatnshelda yfirhöfn.

​

ATH: Við sækjum og skilum á Hótel í Los Cristianos, Las Americas og Adeje (þó ekki vestur af La Caleta).